وزیر اعظم عمران خان  نے حیات آباد اسپورٹس کمپلیکس اپ لفٹ پروگرام کا افتتاح کردیا۔

تفصیلات کے مطابق  ایک ارب روپے کی لاگت سے کرکٹ اسٹیڈیم   کی انٹرنیشنل اسٹینڈرڈ کے مطابق اپگریڈیشن کی جائے گی۔10 کروڑ روپے کی لاگت سے خواتین کے لیے ان ڈور اسپورٹس  سہولیات مہیا کی جائیں گی۔

 تقریباً 9 کروڑ روپے کی لاگت سے نیا سوئمنگ پول بنایا جائے  گا۔10 کروڑ روپے کی لاگت سے تعمیر  اور سازوسامان سے آراستہ  کیے جانے والے جم کا افتتاح بھی کیا جائے گا۔

https://www.bolnews.com/urdu/wp-content/uploads/2020/12/PSH-PM.mp4?_=2

بیڈمنٹن، ٹیبل ٹینس ہالز کو قومی سطح کے معیار کے مطابق اپ گریڈ کیا جائے گا۔

حیات آباد اسپورٹس کمپلیکس میں فٹ بال گراؤنڈ، اسکواش کورٹ، واکنگ ٹریک، مارشل آرٹ ہال، تائیکوانڈو ہال و دیگر سہولیات پہلے ہی موجود ہیں۔