مسلم لیگی رہنما مریم نواز آج اہم پریس کانفرنس کریں گی۔

تفصیلات کے مطابق مسلم لیگ ن کی مرکزی نائب صدر اور سابق وزیراعظم نواز شریف کی صاحبزادی مریم نوازقبل ازوقت سینٹ الیکشن پر بات کریں گئیں ۔

ذرائع کے مطابق مریم نواز اپنی عوامی رابط مہم اور ریلیوں کے حوالے سے بھی آگاہ کریں گئیں۔

واضح رہےکہ گزشتہ روز پی پی پی چیئرمین بلاول بھٹو زرداری نے مسلم لیگ(ن) کے نائب صدر مریم نواز سے ٹیلیفونک رابطہ  کیا۔

دونوں رہنماؤں نے اتفاق کیا کہ پی ڈی ایم کے کامیاب جلسوں سے حکومت بوکھلاہٹ کا شکار ہوگئی ہے رابطے کے دوران مجموعی سیاسی صورتحال پر تبادلہ خیال کیا گیا ۔

پی ڈی ایم کے نوجوان سرکردہ رہنماؤں نے سینیٹ کے آئندہ انتخابات کے متعلق حکمت عملی پر بھی تبادلہ خیال کیا۔

جاری بیان کے مطابق اس بات پر اتفاق کیا گیا ہے کہ سینیٹ میں کسی کو ایسے غیر آئینی ہتھکنڈے دہرانے نہیں دیں گے کہ وہ 2018 کے الیکشن بن جائیں۔

بلاول بھٹو زرداری نے مریم نواز کو شہید محترمہ بینظیر بھٹو کی برسی کے جلسے میں شرکت کی دعوت بھی دی۔