مسلم لیگی رہنما حمزہ شہباز کا اپنی پیرول پر رہائی کی توسیع سے متعلق کہنا ہے کہ تحریک انصاف میتوں پر بھی سیاست سے باز نہیں آ رہی۔

تفصیلات کے مطابق جاتی امراء میں میڈیا سے گفتگو کرتے ہوئے پنجاب اسمبلی میں اپوزیشن لیڈر حمزہ شہباز نے کہا کہ پتھر دل والوں کوپیرول میں توسیع کی درخواست کون دے گا، تحریک انصاف میتوں پر بھی سیاست سے باز نہیں آرہی،  بیگم کلثوم نواز کے بعد اب میری دادی کی وفات پر بھی حکومت گندی سیاست کر رہی ہے، جیسا کریں گے ویسا ہی بھریں گے۔

انھوں نے کہا کہ عمران خان کے سونامی نے ہر گھر کو غربت اور بے روزگاری میں ڈبو دیا ہے، پی ڈی ایم عوام کا غصہ ہے جسے روکا نہیں جاسکتا۔

شہبازشریف اور حمزہ شہباز کی پیرول پر رہائی میں توسیع کا معاملہ

وزیراعلی پنجاب سردار عثمان بزدار نے مشاورتی اجلاس بلا لیا ،اجلاس کچھ دیر میں شروع ہوگا۔

محکمہ داخلہ پنجابکے ذرائع کے مطابق آج بارہ بجے تک فیصلہ ہوجائے گا۔

وزیرقانون راجہ بشارت کا کہنا ہے کہ محکمہ داخلہ اور قانون کی مشاورت کے بعد آج اجلاس میں  فیصلہ ہوگا۔

واضح رہے کہ شہبازشریف اور حمزہ شہباز کی پیرول پر رہائی کی مدت آج  ختم ہورہی ہے۔