فردوس عاشق اعوان کا کہنا ہے کہ عقل کی اندھی اپوزیشن ہوش کے ناخن لے ۔

تفصیلات کے مطابق معاون خصوصی اطلاعات پنجاب ڈاکٹر فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ عوام کے جان و مال کی محافظ بزدار حکومت چاہتی ہے کہ عقل کی اندھی اپوزیشن ہوش کے ناخن لے، عوام کی جانوں کیساتھ مزید نہ کھیلے۔

عوام کے جان،مال کی محافظ بزدار حکومت چاہتی ہے کہ عقل کی اندھی اپوزیشن ہوش کے ناخن لے اور عوام کی جانوں کیساتھ مزید نا کھیلے۔ سیاست ہوتی رہیگی مگر زندگی کے نقصان کا ازالہ نہیں ہوتا! جس شہر میں بھی PDMجلسہ ہوا وہاں کورونا تیزی سے پھیلا۔ میں دعاگو ہوں اللہ اس وبا سے سبکو محفوظ رکھے!

— Dr. Firdous Ashiq Awan (@Dr_FirdousPTI) December 1, 2020

انھوں نے کہاکہ سیاست ہوتی رہے گی مگر زندگی کے نقصان کا ازالہ نہیں ہوتا، جس شہر میں بھی پی پی ڈی ایم کا جلسہ ہوا وہاں کورونا تیزی سے پھیلا، دعاگو ہوں اللہ اس وبا سے سب کو محفوظ رکھے۔

فردوس عاشق اعوان کا مزید کہنا ہے کہ کورونا کےخلاف حکومت پنجاب پرعزم ہے، وزیر اعلیٰ نے کورونا ٹیسٹینگ کیلئے ملتان اور رحیم یار خان میں دو نئی بی ایس ایل لیبارٹریز بنانے کی منظوری دی ہے، روزانہ 25 ہزار تک کورونا ٹیسٹ کئے جاسکتے ہیں، کورونا کی دوسری لہر زیادہ شدید ہے،عوام احتیاط کا دامن ہاتھ سے نہ چھوڑیں احتیاط کریں، محفوظ رہیں

کرونا کیخلاف حکومت پنجاب پرعزم۔
وزیر اعلیٰ کی کرونا ٹیسٹینگ کیلئے ملتان اوررحیم یارخان میں دو نئی بی ایس ایل لیبارٹریزبنانے کی منظوری ۔ روزانہ 25 ہزارتک کرونا ٹیسٹ کئے جاسکتے ہیں ۔ کرونا کی دوسری لہر زیادہ شدید ہے،عوام احتیاط کا دامن ہاتھ سے نہ چھوڑیں

احتیاط کریں۔۔۔ محفوظ رہیں۔

Advertisement

— Dr. Firdous Ashiq Awan (@Dr_FirdousPTI) December 1, 2020

واضح رہےکہ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 458 نئے کیسز رپورٹ ہوئے۔

پنجاب میں 1 لاکھ 19 ہزار 578، سندھ میں ایک لاکھ 74 ہزار 350، خیبر پختونخوا میں 47 ہزار 370، بلوچستان میں 17 ہزار 187، گلگت بلتستان میں 4 ہزار 658، اسلام آباد میں 30 ہزار 406 جبکہ آزاد کشمیر میں 6 ہزار 933 کیسز رپورٹ ہوئے۔