وزیراعظم عمران خان کل پشاور کا دورہ کریں گے۔

ترجمان خیبرپختونخوا حکومت کے مطابق وزیراعظم ایک روزہ دورہ پشاور کے دوران حیات آباد سپورٹس کمپلیکس اپ لفٹ منصوبے کا باقاعدہ افتتاح کریں گے۔

وزیراعلیٰ خیبرپختونخوا کے معاون خصوصی برائے اطلاعات کامران بنگش نے وزیراعظم کے دورہ پشاور سے متعلق مزید بتایا کہ اپ لفٹ منصوبے کے تحت آئی سی سی معیار کا گراؤنڈ تعمیر کیا جائے گا۔

انھوں نے بتایا کہ وزیراعظم پاکستان انسٹی ٹیوٹ آف کارڈیالوجی، پراونشل ہاوسنگ اتھارٹی کے تحت ہائی رائز فلیٹس سکیم کا بھی افتتاح کرینگے۔

وزیراعلیٰ خیبرپختونخوا کے معاون خصوصی نے بتایا کہ وزیراعظم صوبائی کابینہ سے ملاقات بھی کریں گے اور کامیاب جوان پروگرام کے حوالے وزیراعظم عمران خان کو بریفنگ بھی دی جائے گی۔

مزید پڑھیں

وزیراعظم عمران خان ٹوئٹر پر بھی چھا گئے

وزیراعظم پاکستان عمران خان سوشل میڈیا پلیٹ فارم ٹوئٹر پر بھی چھا...