وزیر اعظم عمران خان آج پشاور اور نوشہرہ کا دورہ کریں گے۔

ترجمان خیبرپختونخوا حکومت کے مطابق وزیراعظم ایک روزہ دورہ پشاور کے دوران حیات آباد سپورٹس کمپلیکس اپ لفٹ منصوبے کا باقاعدہ افتتاح کریں گے۔

وزیراعلیٰ خیبرپختونخوا کے معاون خصوصی برائے اطلاعات کامران بنگش نے وزیراعظم کے دورہ پشاور سے متعلق مزید بتایا کہ اپ لفٹ منصوبے کے تحت آئی سی سی معیار کا گراؤنڈ تعمیر کیا جائے گا۔

انھوں نے بتایا کہ وزیراعظم پاکستان انسٹی ٹیوٹ آف کارڈیالوجی کا افتتاح کریں گے۔

پاکستان انسٹی ٹیوٹ آف کارڈیالوجی (پی آئی سی)  میں 250 بستروں پر مشتمل اس اسپتال میں سالانہ 3 ہزار ہارٹ سرجریز کی جاسکےگی۔

دوسری جانب وزیراعظم آج نوشہرہ میں جلوزئی ہاؤسنگ سوسائٹی اسکیم کا بھی افتتاح کریں گے

وزیراعلیٰ خیبرپختونخوا کے معاون خصوصی نے بتایا کہ وزیراعظم صوبائی کابینہ سے ملاقات بھی کریں گے اور کامیاب جوان پروگرام کے حوالے وزیراعظم عمران خان کو بریفنگ بھی دی جائے گی۔

مزید پڑھیں

وزیراعظم کا ایک روزہ دورہ پشاور

وزیراعظم عمران خان کل پشاور کا دورہ کریں گے۔ ترجمان خیبرپختونخوا حکومت...