وزیر اعظم  عمران خان نے اپنے معاون خصوصی  ملک امین اسلم کو سپریم کورٹ کو بلین ٹری منصوبوں سے آگاہ کرنے کی ہدایت کردی۔

تفصیلات کے مطابق  بلین ٹری سونامی منصوبوں سے متعلق عدالت عظمیٰ کے احکامات پر حکومت متحرک ہوگئی ہے۔

ذرائع کا کہنا ہے کہ  وزیر اعظم عمران خان  کے  دورہ گلگت بلتستان کے موقع پر  معاون خصوصی ملک امین اسلم کی  ان سے مشاورت ہوئی۔

ذرائع کا کہنا ہے کہ وزیر اعظم نے سپریم کورٹ کو بلین ٹری منصوبے سے متعلق پوری تفصیلات فراہم کرنے کی ہدایت کرتے ہوئے کہا کہ عدالت کو بلین ٹری کے تمام منصوبوں  کے بارے میں آگاہ کیا جائے ۔

انہوں نے کہا کہ  اعلیٰ عدالیہ کو نئی نسل کی فکر ہے،جو انتہائی خوش آئند ہے۔ عدالت عظمٰی کی ہدایات کی روشنی میں بلین ٹری منصوبہ زیادہ بہتر ہوگا۔

ذرائع کامزید کہنا ہے کہ  ملک امین اسلم بلین ٹری منصوبے سے متعلق آج شام پریس کانفرنس بھی کریں گے۔