وزیراعلیٰ پنجاب کا کہنا ہے کہ پاکستان میں ہر شہری کو یکساں حقوق حاصل ہیں۔

تفصیلات کے مطابق وزیراعلیٰ پنجاب سردار عثمان بزدار نے انسانی حقوق کے عالمی دن کے موقع پر جاری اپنے پیغام میں کہا ہے کہ پاکستان میں ہر شہری کو یکساں حقوق حاصل ہیں لیکن مقبوضہ کشمیر کے لوگ بنیادی حقوق کےلیے برسوں سے جدوجہد کررہے ہیں۔

انہوں نے کہا کہ حضرت محمدﷺ نے انسانیت کےلیے انسانی حقوق کا ابدی، لاگانی پیغام دیا ہے اور دین اسلام انسانی حقوق کا علمبردار ہے۔

وزیراعلیٰ پنجاب کا کہنا ہے کہ انسانی حقوق کی پاسداری نہ کرنے والے معاشرے اخلاقی لحاظ سے بتاہ ہوجاتے ہیں اور مودی سرکار نے مقبوضہ کشمیر میں انسانی حقوق کی دھجیاں اڑا دی ہیں

عثمان بزدار نے کہا کہ مقبوضہ کشمیر کے لوگ بنیادی حقوق کےلئے برسوں سے جدوجہد کررہے ہیں، نہتے کشمیری عوام اپنے بنیادی انسانی حقوق کےلیے ترس رہے ہیں۔

ان کا مزید کہنا تھا کہ عالمی برادری کو مقبوضہ کشمیر میں انسانی حقوق کی پامالیوں کا نوٹس لینا چاہیے، بنیادی انسانی حقوق کی فراہمی مہذب معاشروں کی پہنچان ہے، آج ہمیں ہرشہری کے انسانی حقوق کے تحفظ کے عزم کا اعادہ کرنا ہے۔