وزیر اعظم عمران خان کا کہنا ہے کہ  صاف صاف بتا دیا ہے  کسی کو  این آر او نہیں ملے گا۔

تفصیلات کے مطابق  وزیراعظم عمران خان کی زیر صدارت پارٹی رہنماؤں  کے اجلاس کی اندرونی کہانی سامنے آگئی۔

وزیراعظم نے حکومتی رہنماؤں کو گائیڈ لائنز دیتے ہوئے کہا کہ  صاف صاف بتا دیں  کسی کو  این آر او نہیں ملے گا۔

عمران خان نے کہا کہ  لاہور کے عوام سیاسی طور پر بہت باشعور ہیں ،عوام اپوزیشن کا بیانیہ قبول نہیں کریں گے۔ مجھے لاہوریوں کو جلسوں کے  لیے نکالنے میں 14 برس لگے۔

انہوں نے کہا کہ لاہور سمیت پی ڈی ایم کے تمام جلسے ناکام ہوئے۔ لاہوریوں نے پی ڈی ایم شو کو مسترد کر کے بڑا فیصلہ دے دیا۔ لاہوریوں کا سیاسی شعور پی ڈی ایم کے بیانیے کو کبھی قبول نہیں کرے گا۔

وزیر اعظم نے کہا کہ  پی ڈی ایم کے جلسوں میں غیر جمہوری مطالبات کیے جا رہے ہیں جبکہ اپوزیشن کی جماعتوں میں ڈکٹیٹر شپ ہے۔