وزیر اعظم  عمران خان کی زیر صدارت  بلوچستان میں امن و امان کے حوالے سے اعلیٰ سطحی اجلاس ہوا۔

تفصیلات کے مطابق  وزیر اعظم عمران خان کی زیر صدارت  سانحہ مچھ اور صوبے میں امن و امان کے حوالے سے اعلیٰ سطحی اجلاس ہوا۔

اجلاس میں گورنر بلوچستان امان اللہ یاسین زئی ،وزیر اعلیٰ بلوچستان جام کمال خان ،وفاقی وزراء شیخ رشید احمد، سید علی زیدی شریک تھے۔

ان کے علاوہ علی امین گنڈاپور،  معاون خصوصی سید ذولفقار عباس بخاری، ڈپٹی اسپیکر قومی اسمبلی قاسم خان سوری ، وزیر داخلہ ضیا لانگو، کمانڈر سدرن کمانڈ لیفٹیننٹ جنرل سرفرازعلی، آئی جی پولیس بلوچستان محسن حسن بٹ ،چیف سیکرٹری بلوچستان کیپٹن (ر) فضیل اصغر اور اعلیٰ سول و عسکری حکام  بھی شریک ہوئے۔

اجلاس میں صوبے میں امن و امان کا جائزہ لیا گیا اور  وزیراعظم کو سانحہ مچھ کے حوالے سے بریفنگ دی گئی۔

اجلاس میں ہزارہ برادری کے تحفظ کے لیے بھی اقدامات کا جائزہ لیا گیا۔