وفاقی وزیر تعلیم شفقت محمود نے کہا ہے کہ پاکستان میں کرپشن ہمیشہ عروج پر رہی ہے لیکن ابھی احتساب سب کا ہوگا۔

سندھ کے تین روزہ دورے پر آئے وفاقی وزیر شفقت محمود نے کہا ہے کہ پاکستان میں کرپشن کی وجہ لیڈران کا ذاتی مفادات اور لوٹ مار ہے  تاہم اب لوٹ مار کا دور ختم ہوچکا لیکن ابھی احتساب ہونا باقی ہے۔

شفقت محمود کا کہنا تھا کہ اب ملک میں ایسا وزیر اعظم ہے جس پر کوئی انگلی نہیں اٹھا سکتا ہے۔

تعلیمی اداروں کے حوالے سے وفاقی وزیر کا کہنا تھا کہ اب تعلیمی ادارے کھولنے کا وقت آگیا ہے اور اسی لئے یکم فروری سے پرائمری اور میڈل اور یونیورسٹیز کا آغازہورہا ہے تاہم ہم صورتحال کا جائزہ بھی لیتے رہیں گے۔

انہوں نے بتایا ہے کہ ہم سندھ سے محبت اور پیار کرتے ہیں سندھ پاکستان کا حصہ ہے تاہم وزیر اعظم کا کہنے کا مقصد تھا کہ سندھ میں ہماری حکومت نہیں ہے۔

وفاقی وزیر کا کہنا تھا کہ سکھرکےدورے کا بنیادی مقصدیہاں پر موجود تاریخی ورثہ کا جائزہ لینا ہے ہم اس تاریخی ورثہ کو محفوظ کرنا چاہتے ہیں تاکہ ہم اپنے ماضی کو یاد رکھ سکیں

ان تمام خیالات کا اظہار وفاقی وزیر تعلیم شفقت محمود نے کہا ہے کہ سکھر میں میر معصوم شاہ مینارہ کا دورہ کے دوران میڈیا سے گفتگو کرتے ہوئے کیا ہے۔