وفاقی وزیرِ داخلہ کا کہنا ہے کہ مولانا فضل الرحمٰن کو پچھلی دفعہ بھی سیاستدانوں نے دھوکا دیا، اس بار بھی مولانا کو دھوکا دیا جارہا ہے۔

تفصیلات کے مطابق میڈیا سے گفتگو کرتے ہوئے وزیرِ داخلہ شیخ رشید احمد کا کہنا تھا کہ پی ڈی ایم کے احتجاج میں اتنے بندے نہیں آئے جتنا ہمارا اندازہ تھا، اتنے ماہ سے یہ لگے ہوئے تھے، خیال تھا کہ متاثر کن مجمع ہوگا۔

انہوں نے کہا کہ ایک ہزار 800 کیمروں سے احتجاج کی مانیٹرنگ کر رہے ہیں اور ایک ہزار500 اہلکار مانیٹرنگ کے لیے تعینات ہیں۔

وزیرداخلہ نے کہا کہ وزیرِ اعظم عمران خان سے ملاقات ہوئی، وہ مطمئن تھے، وزیرِ اعظم نےواضح کہا ہے کہ یہ کوئی مسئلہ پیدا کریں تو ان کے لیے تاریخی مسئلہ پیدا کریں۔

شیخ رشید نے کہا کہ اگر یہی صورتِ حال رہی تو لانگ مارچ کو بھی خوش آمدید کہیں گے، جس اسمبلی پر فضل الرحمٰن لعنت بھیجتے ہیں اس پر بلاول آج جشن منا رہا ہے۔