مرکزی رویت ہلال کمیٹی کے چیئرمین مولانا عبدالخبیر آزاد نے کہا ہے کہ مفتی قوی رویت ہلال کمیٹی کے ممبر نہیں ہیں۔

ملتان میں میڈیا سے گفتگو کرتے ہوئے مولانا عبدالخیر کا کہنا ہے کہ 50 سال سے مذہبی ہم آہنگی کے لئے میرا خاندان کام کر رہا ہے، پاکستان کو مذہبی ہم آہنگی اور آپسی اتفاق کی ضرورت ہے، وطن سے محبت ایمان کا حصہ ہے۔

انہوں نے کہا کہ پاکستان کی احترام انسانیت کی قرار داد یو۔این۔او میں منظور ہو چکی ہے، ﷲ تعالی نے عمران خان جیسا عزیم لیڈر پاکستان کو دیا، عمران خان نے ہر جگہ مسلمانوں کا مقدمہ لڑا، وزیراعظم نے پوری دنیا میں امت مسلمہ کی نمائندگی بھی کی۔

چیئرمین مرکزی رویت ہلال کمیٹی کا مزید کہنا تھا کہ فنی معاونت ہر کسی سے لیں گے مگر فیصلے شرعی اور شہادتوں پر ہی ہونگے، رویت ہلال کمیٹیوں کو متحرک کریں گے، ہمارا مشن امن و محبت ہے، ہم سب کو مل کر چلنا ہے، فواد چوہدری کےساتھ بھی ملاقات ہوئی ہے سب کے ساتھ مل کر چلیں گے۔