پی ڈی ایم کا بٹ خیلہ کے ظفرپارک میں جلسہ منسوخ ہوگیا ہے ، اب اپوزیشن کا جی ٹی روڈ پر پاورشو ہوگا۔

تفصیلات کے مطابق پی ڈی ایم (پاکستان ڈیموکریٹک موومنٹ)کا بٹ خیلہ  ظفرپارک میں ہونے والا جلسہ منسوخ کردیا گیا ، ذرائع کا کہنا ہے کہ پی ڈی ایم کے اندر جلسہ گاہ کےمعاملے پر اختلافات تھے۔

جے یو آئی کے رہنما مفتی کفایت اللہ نے اپنے بیان میں کہا ہے کہ ظفر پارک سےکرسیاں ہٹائی جا رہی ہے ، ظفر پارک میں جگہ کم پڑنے کاخدشہ ہے، مختلف علاقوں سے آنے والی ریلیاں مین جی ٹی روڈ پر جمع ہوگی ۔

ریلی سے مولانا فضل الرحمان، بلاول بھٹو ،امیر مقام خطاب کریں گے۔

بلاول بھٹو کی قیادت میں پیپلزپارٹی کی ریلی کا آغازشیرگڑھ بارڈرسے ہوگا، اس دوران ان کا سخاکوٹ،درگئی بازار، درگئی پھاٹک، مالاکنڈ ٹاپ ، پیران، گل اینگس اوربٹ خیلہ بازار پر استقبال ہوگا۔

ان کے استقبال کیلئے مالاکنڈ میں جشن کا سماں ہے، جگہ جگہ کیمپس لگادیئے گیے ہیں، بلاول بھٹو سخاکوٹ، درگئی پھاٹک،بٹ خیلہ بازارمیں خطاب کریں گے۔

پی ڈی ایم مالاکنڈ کا جلسہ

پاکستان ڈیموکریٹک موومنٹ (پی ڈی ایم) آج مالاکنڈ میں سیاسی قوت کا مظاہرہ کرے گی۔

On our way to Malakand for #PDMRallyMalakand. Join us to march against inflation, corruption and injustices of 7 years of incompetent, illegitimate and puppet rule of PTI . which has pushed KP & now all of Pakistan into crisis.

— BilawalBhuttoZardari (@BBhuttoZardari) January 11, 2021

 جلسہ سے پی ڈی ایم سربراہ مولانا فضل الرحمٰن، چیئرمین پیپلزپارٹی بلاول بھٹو اور دیگر قائدین خطاب کریں گے۔

آج پی ڈی ایم کے تحت ہونے والے جلسے  میں شرکت کے لئے مولانا فضل الرحمٰن، چیئرمین پیپلز پارٹی بلاول بھٹو اور (ن) لیگ کے امیر مقام الگ الگ ریلیوں کی شکل میں مالاکنڈ کی تحصیل بٹ خیلہ کے ظفر پارک جلسہ گاہ پہنچیں گے۔

ذرائع کے مطابق جلسہ گاہ میں انتظامات مکمل ہیں،جب کہ جلسہ گاہ میں 10 ہزار کرسیوں کا انتظام کیا گیا ہے۔

ذرائع کے مطابق چئیرمین پی پی پی بلاول بھٹو زرداری کا سخاکوٹ بازار، درگئی بازار، درگئی پھاٹک اور مالاکنڈ ٹاپ پر شان دار استقبال ہوگا۔

اس کے علاوہ بلاول بھٹو کا پیران، گل اینگس اور بٹ خیلہ بازار میں بھی تاریخی استقبال ہوگا۔

 چئیرمین پی پی پی سخاکوٹ، درگئی پھاٹک اور بٹ خیلہ بازار میں عوام سے خطاب کریں گے۔

بلاول بھٹو کے استقبال کے لئے مالاکنڈ میں جشن کا سماں ہے، جگہ جگہ کیمپ لگ گئے ہیں، استقبال کے لئے درگئی بازار اور بٹ خیلہ بازار کی دکانوں کو بھی خصوصی طور پر سجایا گیا ہے۔