وزیراعظم عمران خان 29 جنوری کو ساہیوال کادورہ کریں گے ۔

تفصیلات کے مطابق وزیراعلی پنجاب سردار عثمان بزدار اور گورنر پنجاب چوہدری محمد سرور بھی وزیراعظم کے ہمراہ ہوں گے۔

ذرائع کے مطابق وزیراعظم عمران خان ساہیوال کے لئے 18 ارب روپے سےزائد ترقیاتی پیکیج کااعلان کریں گے۔

دورے کے دوران وزیراعظم یونیورسل ہیلتھ کوریج پروگرام کا افتتاح کریں گے ، ہیلتھ کارڈ اورکامیاب جوان پروگرام کے تحت چیک بھی تقسیم کریں گے۔

ذرائع کے مطابق وزیر اعظم عمران خان کلین گرین پروگرام کی تقریب میں بھی شریک ہوں گے

صرف یہی نہیں بلکہ وزیراعظم  خطاب میں ساہیوال کے لئے اہم حکومتی اقدامات کااعلان کریں گے ۔

دوسری جانب وزیراعلی پنجاب سردارعثمان بزدار کا اس بارے میں کہنا ہے کہ ترقی کا سفر تیزی سے آگے بڑھ رہاہے ، تحریک انصاف ہر شہر کو ترقی کی منزل کی جانب لیکر چل رہی ہے۔

وزیراعلی پنجاب نے کہاکہ ساہیوال کے لئے ترقیاتی منصوبوں کو حتمی شکل دیدی گئی ہے ۔