کراچی کے مختلف علاقوں میں  سانحہ مچھ  میں جاں بحق ہزارہ برادری  کے افراد سے اظہار یکجہتی  کے لیے دھرنے جاری ہیں۔

تفصیلات کے مطابق سانحہ مچھ  میں جاں بحق ہزارہ برادری  کے افراد سے اظہار یکجہتی  کے لیےکراچی کے مختلف علاقوں میں دھرنے جاری ہیں جس کے باعث   ٹریفک کی روانی شدید متاثر ہے۔

ایم ڈبلیو ایم کے تحت ابوالحسن اصفہانی روڈ عباس ٹاؤن پر احتجاج کا سلسلہ جاری ہے۔ کچھ دیر بعد ایم ڈبلیو ایم کی مقامی قیادت دھرنوں کے حوالے سے اہم اعلان کریں گے۔

اس کے علاوہ سانحہ مچھ کے خلاف گلستان جوہر کامران چورنگی  سے جوہر چورنگی اور منور چورنگی جانے اور آنے والے دونوں ٹریکس ٹریفک کے لیے بند ہیں جس کے باعث  اطراف کی شاہراہوں پر بھی بد ترین ٹریفک جام ہے۔

نارتھ کراچی  پاور ہاؤس،پریس کلب اور نمائش  چورنگی پر بھی احتجاج جاری ہے۔