وفاقی وزیرفواد چوہدری نے ملالہ یو سف زئی کےلئے سوشل میڈیا پرایک اہم پیغام جاری کیا ہے۔

تفصیلات کے مطابق سماجی را بطے کی ویب سائٹ ٹو ئٹر پر جا ری اپنے پیغام میں وفاقی وزیر برائے سائنس اینڈ ٹیکنالوجی فواد چوہدری نے امریکی کانگریس  کی جانب سے اسکالرشپ بل منظور کرنے پر ملالہ یوسف زئی کو مبارکباد دی ہے۔

اس ضمن میں فواد چوہدری نے اپنی ٹوئٹ میں ملالہ یوسف زئی سے مخاطب ہوکر کہا کہ ’ملالہ ہمارا فخر ہے،ملالہ کو اسی طرح مستقبل میں بھی مزید کامیابیاں ملیں۔

You are our pride ⁦@Malala⁩ more power to you, brave daughter of Pakistan ⁦@ZiauddinY⁩ https://www.bolnews.com/urdu/pakistan/2021/01/491703/amp/

Advertisement

— Ch Fawad Hussain (@fawadchaudhry) January 4, 2021

اُنہوں نے کہا کہ ملالہ یوسف زئی پاکستان کی ایک بہادر اور نڈر بیٹی ہے۔

واضح رہے کہ امریکی کانگریس نے ملالہ یوسف زئی اسکالرشپ بل منظور کر لیا ہے جس کے تحت پاکستانی خواتین کو تعلیمی وظائف دیے جائیں گے۔

اس بل کے تحت تعلیمی وظائف پانے والی پاکستانی خواتین کی تعداد میں اضافہ کیا جائے گا۔

امریکی ایوان نمائندگان نے اس کی منظوری پچھلے سال مارچ میں دی جبکہ سینیٹ نے یہ بل پچھلے جمعے کو منظور کیا۔