فیصل آباد میں کورونا وائرس کے پھیلاؤ میں تیزی آنے کے بعد   ضلعی انتظامیہ نے مختلف علاقوں میں اسمارٹ لاک ڈاؤن لگانا شروع کر دیا۔

تفصیلات کے مطابق کورونا وائرس کے پھیلاؤ میں تیزی آنے کے بعد فیصل آباد میں ضلعی انتظامیہ نے اسمارٹ لاک ڈاؤن لگانا شروع کر دیا  ہے۔

چک نمبر 191 ر ب ملوانی ہرلاں میں ایک گھر میں 8 کورونا مثبت مریضوں کی موجودگی کے شبہے میں   ضلعی انتظامیہ نے محکمہ صحت اور پولیس کے تعاون سے علاقے میں اسمارٹ لاک ڈاؤن لگا دیا۔

اسسٹنٹ کمشنر کا کہنا ہے کہ  گھر کے 8 مکینوں کے خون کے نمونے لے کر ٹیسٹ کے لیے بھجوا دیے ہیں اور کورونا مشتبہ مریضوں کو گھر میں نظر بند کر دیا گیا ہے۔

اسسٹنٹ کمشنر کا کہنا ہے کہ   متاثرہ علاقے میں شہریوں کی آمد و رفت بھی محدود کر دی گئی ہے۔