وزیراعظم نے اپنے انسٹا گرام اکائونٹ پر خوبصورت وادیٔ کالام کی ایک ایسی  تصویر شیئر کی ہے کہ جسے دیکھ کر سب ہی اس وادی کے حسن کے مزید دیوانے ہو گئے ہیں۔

تفصیلات کے مطابق وزیرِ اعظم عمران خان اکثر اپنے انسٹاگرام اکاؤنٹ سے ایسی پوسٹ ضرور کرتے نظر آتے ہیں جو خبروں کی زینت بن کر وائرل ہو جا تی ہے۔

 عمران خان نے صوبہ خیبر پختونخوا کے ضلع سوات کی خوبصورت وادیٔ کالام کی ایک تصویر شیئر کی ہے جسے دیکھ کر سوات کا دلکش موسم بخوبی محسوس کیا جاسکتا ہے۔

وزیراعظم نے کیپشن میں لکھا ’کالام وادی، سوات۔

واضح رہےکہ وزیراعظم کی اس پوسٹ کو صارفین کی جانب سے بے حد سراہا  جارہا ہے اور یہی وجہ ہے کہ صرف چند گھنٹوں میں اسی پوسٹ پر 88 ہزار سے زائد لائکس آگئےہیں۔

وزیراعظم عمران خان سوشل میڈیا پر کافی فعال نظر آتے ہیں اور ان کی جانب سے پوسٹ کی جانے والی تصاویر کو بالخصوص نوجوان بے حد پسند کرتے ہیں۔