پاکستان مسلم لیگ ن کے رہنما احسن اقبال نے کہا ہے کہ موجودہ حکومت نے ملک کو دنیا میں مذاق بنا کر رکھ دیا ہےجس کی وجہ سے آج پاکستان کی بے توقیری پر قوم ان سے استعفیٰ مانگتی ہے۔

تفصیلات کے مطابق پریس کانفرنس کرتے ہوئے احسن اقبال نے کہا ہے کہ حکومت نے ڈھائی سال میں پاکستان کی عزت کو خاک میں ملا دیا ہے۔

انہوں نے کہا ہے کہ وزیر ہوابازی نے پوری ایوی ایشن انڈسٹری کو تباہ کردیا کیونکہ اقوام متحدہ نے اپنے ملازمین کو مراسلہ جاری کیا ہےکہ پی آئی اے پر سفر نہ کریں۔

ان کا کہنا تھا کہوزیراعظم عمران خان اور وزیر ہوابازی کو مستعفی ہوجاناچاہیے۔

یاد رہے کہ اس سے قبل مریم نواز نے کہا ہے کہ تابعداری، تاریخی نااہلی اور نالائقی کی سزا پاکستان بھگت رہا ہے۔

مریم نواز نے کہا ہے کہ پہلے دنیا بھر میں پی آئی اے کے پائلٹس کو رسوا کروایا اور اب ائیرلائن کو اس مقام پر لے آئے ہیں  =جبکہ اس سے پہلے پاکستان نے کبھی ایسے حالات نہیں دیکھیے ہیں۔

انہوں نے مزید کہا کہ اناڑیوں کے کھیل تماشے کی وجہ سے ملک کو دنیا بھر میں رسوائی کا سامنا کرنا پڑ رہا ہے۔