عالمی وبا کورونا وائرس کی دوسری لہر کے دوران ایس او پیز کی خلاف ورزی کرنے پر لاہور بھر میں کارروائیاں جاری ہیں۔

تفصیلات کے مطابق کورونا ایس او پیز کی خلاف ورزی پر پنجاب کے بڑے شہر لاہور میں درجنوں دکانیں، ریسٹورنٹس اور فارمیسیز سیل کر دی گئیں۔

ڈپٹی کمشنر لاہور کے مطابق کورونا وائرس کی دوسری لہر کے دوران ایس او پیز کی خلاف ورزی کرنے پر 32 دکانیں، ریسٹورنٹس اور فارمیسیز کو سیل جبکہ  50 ہزار روپے جرمانہ بھی کیا گیا ہے۔

واضح رہےکہ پاکستان بھر میں گزشتہ 24 گھنٹوں کے دوران کورونا وائرس کے مزید 2 ہزار 521 کیسز سامنے آئے ہیں۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق ملک بھر میں کورونا وائرس سے انتقال کرنے والوں کی مجموعی تعداد 10 ہزار 951 ہو گئی ہے۔