فواد چوہدری نے ملک بھر میں پاور بریک ڈاؤن کے بعد کی جانے والی کاوشوں پر عمر ایوب اور ان کی ٹیم کی کارکردگی کو قابل ستائش قرار دیا ہے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر جاری اپنے بیان میں کہا کہ ٹیکنیکل فالٹ ہو جاتےہیں، گذشتہ رات ملک میں ہونے والے بریک ڈاؤن پر جس طرح عمر ایوب اور انکی وزارت نے معاملےکودیکھا انکےعزم کا پتا چلتا ہے، اگر اتنی کوشش نہ ہوتی تو بجلی کی بحالی میں تاخیر لازم تھی۔

فواد چوہدری کا مزید کہنا تھا کہ فیصل واڈا اور جنرل مزمل نے بھی بجلی بحالی کی شش میں حصہ ڈالا۔

ٹیکنیکل فالٹ ہو جاتے ہیں لیکن جس طرح عمر ایوب اور ان کی وزارت نے ساری رات جاگ کر اس معاملے کو دیکھا اس سے ان کی کمٹمنٹ کا پتا چلتا ہے، فیصل واڈا اور جنرل مزمل نے بھی بجلی بحالی کوششش میں حصہ ڈالا اگر اتنی کوششش نہ ہوتی تو بحالی میں تاخیر لازم تھی #electricitybreakdown https://www.bolnews.com/urdu/pakistan/2021/01/780265/amp/

Advertisement

— Ch Fawad Hussain (@fawadchaudhry) January 10, 2021

واضح رہےکہ وفاقی وزیرِ توانائی عمر ایوب کا کہنا ہے کہ ملک گیر بجلی کا بریک ڈاؤن گدو میں خرابی کے باعث ہواہے۔

وزیرتوانائی عمرایوب اور وفاقی وزیراطلاعات شبلی فراز نے پریس کانفرنس کرتے ہوئے بتایا کہ خرابی پیدا ہونے کی وجوہات جاننے کی کوشش کی جا رہی ہے اور دھند کے باعث مشکلات پیش آ رہی ہیں۔

عمر ایوب نے بتایا کہ گدو میں خرابی کے باعث تربیلا اور منگلا پر 10ہزار سے زیادہ میگا واٹ ایک دم سے غائب ہو گئی، بجلی کی مکمل بحالی میں مزید چند گھنٹے لگیں گے۔

انہوں نے کہا کہ 11 بج کر 41 منٹ پر گدو کے پاور پلانٹ پر پرابلم آیا، 1سیکنڈ میں فریکونسی 50 سے 0 ہوئی، تربیلا کو ہم نے 2 بار اسٹارٹ کیا، جس سے بجلی بحال ہونا شروع ہوئی، لاہور، اسلام آباد، فیصل آباد، جھنگ، ملتان میں بجلی بحال کر دی ہے، کے الیکٹرک کو 400میگا واٹ بجلی بحال ہوگئی ہے، صورتِ حال کو معمول پر آنے میں چند گھنٹے لگیں گے۔

عمر ایوب کا کہنا ہے کہ دھند کے باعث بجلی کی بحالی کے کام میں مشکلات ہیں، جب ہماری حکومت آئی اس وقت تک ٹرانسمیشن پر کوئی کام نہیں ہوا تھا، اس وقت آئیسکو، لاہور، فیصل آباد میں بجلی بتدریج بحال ہوگئی ہے، دھند ختم ہونے کے بعد ہی فالٹ کی اصل وجہ اور جگہ معلوم ہو سکے گی۔

انہوں نے بتایا کہ مسلم لیگ کے دور میں 18 سے ساڑھے 18 ہزار واٹ ترسیل کا نظام تھا، اب تک سسٹم میں خرابی کی وجوہات معلوم نہیں ہو سکیں، ن لیگ کے دور میں اس طرح کے 8واقعات ہوئے تھے، بجلی کی ٹرانسمیشن کو مزید بہتر کریں گے، بجلی کے ترسیلی نظام پر حکومت سرمایہ کاری کر رہی ہے۔

عمر ایوب نے کہا کہ اب تک سسٹم میں خرابی کی وجوہات معلوم نہیں ہو سکیں، گدو کے علاقےمیں دھند کے باعث اب تک فالٹ کی اصل وجہ معلوم نہیں کی جا سکی، مٹیاری کے علاقے میں 6 ارب ڈالر کی لائن ڈال رہے ہیں، اس طرح کے واقعات دنیاکے مختلف ممالک میں ہوتے ہیں۔

انہوں نے مزید کہا کہ بلیک آؤٹ کی صورت میں رسپانس سسٹم کتنا بہتر ہے یہ اہم ہے، فالٹ پورے ملک کےپلانٹس میں نہیں آیا تھا، ایک مخصوص علاقےمیں آیا، بجلی کاسسٹم اس وقت اسٹیبل ہے، تحقیقات کے بعد ہی حقائق سامنے لائیں گے۔

وزیرِ توانائی نے کہا کہ وزیرِ اعظم عمران خان کو صورتِ حال سے آگاہ کر دیا تھا، انہوں نےبجلی جلد بحال کرنے کی ہدایت کی تھی، ایک مخصوص جگہ پر بجلی کی فریکونسی کم ہوئی جس کی وجہ سے پورے سسٹم نے خود کو شٹ ڈاؤن کرنا شروع کر دیا، پشاور ویلی میں بجلی کے شعبے میں 2 ارب روپے کی سرمایہ کاری کریں گے۔

مزید پڑھیں

پاور بریک ڈاؤن: مرحلہ وار بحالی کا آغاز

ملک بھر میں پاور بریک ڈاؤن کے کئی گھنٹے گزرنے کے بعد...