ملک بھر میں کورونا ویکسینیشن کے پہلے مرحلے کا با قاعدہ آغاز ہوگیا ہے۔

تفصیلات کے مطابق تمام صوبوں میں ایک ساتھ کورونا ویکسی نیشن کا آغازکیا گیا، پہلے مرحلے میں فرنٹ لائن ورکرز کو ویکسین لگائی جائے گی، پہلی ڈوز کے 21 دن بعد دوسرا انجکشن لگے گا،ہر شہری کو ویکسین مفت لگائی جائے گی۔

نیشنل کمانڈ اینڈ آپریشن سینٹر (این سی او سی) کا کہنا ہے کہ کورونا وائرس کی ویکسینیشن تمام صوبوں اور وفاق میں بیک وقت 11 بجے شروع ہوئی ۔

 نیشنل کمانڈ اینڈ آپریشن سینٹر ( این سی او سی) نے پاکستان کی  کورونا سے بچاوَ  ویکسین کی حکمت عملی جاری کردی ہے۔

این سی او سی میں کورونا ویکسی نیشن مہم کی مرکزی تقریب منعقد ہوئی۔

لاہور میں میو ہسپتال، سروسز، جنرل، میاں میر ہسپتال سمیت 20 سے زائد سنٹرز بنا دئیے گئے ہیں۔ میو ہسپتال میں 6 ہزار ہیلتھ ورکرز کو رونا ویکسین لگے گی۔

کراچی میں ویکسین کی 83 ہزار سے زائد خوراکیں نجی ائیر لائن کے ذریعے پہنچائی گئیں، جنہیں پولیس اور رینجرز کی سیکورٹی میں کولڈ سٹوریج منتقل کیا گیا۔

وزیر صحت عذرا پیچوہو کا کہنا ہے کہ سندھ بھر میں ویکسی نیشن کا عمل آج شروع ہوگا، نیو کراچی چلڈرن ہسپتال میں ویکسی نیشن کیلئے موک ایکسرسائز کی گئی۔

کوئٹہ سمیت بلوچستان میں 44 ویکسی نیشن سنٹرز تجویز کئے گئے ہیں، بلوچستان کو 10 ہزار ویکسین فراہم کی گئی ہے۔

خیبرپختونخوا میں بھی کورونا سے لڑنے والے فرنٹ لائن ہیلتھ ورکرز کو ویکسی نیشن آج سے دی جائے گی۔

Leadership is tested under pressure,at the peak of #Corona everyone panicked and demanded complete lockdown ⁦⁦@ImranKhanPTI⁩ stayed calm and refused complete lockdown of the country he proved right,now vaccine has arrived,it is an honour n privilege to be part of process pic.twitter.com/yyyJWzxO5n

— Ch Fawad Hussain (@fawadchaudhry) February 3, 2021

واضح رہےکہ گزشتہ روز وزیراعظم عمران خان نے پاکستان میں کورونا ویکسی نیشن مہم کا آغاز کیا۔

پرائم منسٹر ہاؤس میں ایک ڈاکٹر کو پہلی ویکسین لگائی گئی۔

اس موقع پر وزیراعظم کا کہنا تھا کہ دوست ملک چین کے مشکور ہیں، تمام صوبوں میں ویکسین منصفانہ طور پر تقسیم ہوگی۔