پی ٹی آئی کے رہنما خرم شیر زمان نے کہا ہے کہ پی پی کے بدمعاش انتخابات میں دھاندلی کیلئے ایسے اوچھے ہتھکنڈے آزما رہے ہیں کیونکہ پیپلز پارٹی اپنی شکست سے خوفزدہ ہیں۔

خرم شیر زمان نے کہا ہے کہ پی پی پولیس کا انتخابات میں سیاسی استعمال کررہی ہے اور پارٹی کے جیالے انتخابات میں بدمزگی پیدا کررہے ہیں۔

پی ٹی آئی رہنماء خرم شیر زمان اور جنرل سیکرٹری سعید آفریدی نے ملیر ضمنی انتخابات کے دوران حلیم عادل شیخ کی گرفتاری پر سخت مذمت کرتے ہوئے کہا ہے کہ کہ پی پی کے گنڈہ گردی برداشت نہیں کی جائے گی۔

یاد رہے کہ الیکشن کمیشن کی جانب سے جاری احکامات کے بعد اپوزیشن لیڈر سندھ اسمبلی حلیم عادل شیخ کو گرفتار کرلیا گیا ہے۔

اس سے قبل پی ٹی آئی کے رہنما حلیم عادل شیخ کی گاڑی پر فائرنگ کا واقعہ حلقہ پی ایس 88 کے دیہی علاقے درسانو چھنو میں پولنگ اسٹیشن کا دورہ کرتے وقت پیش آیا ہے۔

اس حوالے سے حلیم عادل شیخ کا کہنا تھا کہ پہلے ہی کہہ چکا تھا کہ میری جان خطرے میں ہے اور آج فائرنگ پولیس کی موجودگی میں کی گئی ہے۔