سندھ بھر میں سی این جی اسٹیشنز کل کھول دئیے جائینگے۔

تفصیلات کے مطابق سندھ بھر میں سی این جی اسٹیشنز کو گیس کی فراہمی کل سے جاری کی جائے گی۔

ذرائع کے مطابق  کراچی سمیت صوبے بھر میں چار دن بند رہنے کے بعد سی این جی اسٹیشنز اتوار کے روز 24 گھنٹے کے لیے کھولے گئے تھے، جس کے بعد شہریوں کی بڑی تعداد نے سی این جی اسٹیشنز پر گاڑیوں کی لمبی قطاریں لگا لیں۔

 سندھ بھر میں گیس کا شدید بحران جاری ہے، کراچی سمیت صوبے میں چار دن سی این جی اسٹیشنز بند رہی۔

اس بارے میں شہریوں کا کہنا ہے کہ سی این جی کی بندش سے شدید دشواری کا سامنا رہتا ہے، محنت کش کم آمدنی والا طبقہ سب سے زیادہ متاثر ہے حکومت سی این جی تسلسل کے ساتھ فراہم کرے۔