وزیر اعظم عمران خان کی جانب سے پارٹی رہنماؤں اور ترجمانوں کا اہم اجلاس طلب کرلیا گیا ہے جو کہ آج وزیر اعظم ہاؤس میں ہوگا۔

وزیراعظم کی جانب سے طلب کردہ پارٹی ترجمانوں کے اجلاس میں اہم ملکی اور سیاسی امور پر مشاورت ہوگی جبکہ اپوزیشن کی حکومت مخالف تحریک پر مشاورت اور تبادلہ خیال کیا جائیگا۔

اجلاس میں پنجاب میں قبضہ مافیا کے خلاف جاری مہم اور اسکے علاوہ معاشی اور دیگر میدانوں میں حکومتی کامیابیوں پر ترجمانوں کو بریفنگ دی جائے گی۔

وزیراعظم کے طلب کردہ پارٹی رہنماؤں کے اجلاس میں وزیر اعظم عمران خان اہم گائیڈ لائنز بھی دینگے۔