وزیر اعظم عمران خان کا کہنا ہے کہ  عنقریب کسانوں کے  لیے پاکستان کی تاریخ کے سب سے بڑے زرعی پیکج کا اعلان کیا جائے گا ۔

تفصیلات کے مطابق  وزیر اعظم عمران خان سے تحریک انصاف کے سرگودھا سے تعلق رکھنے والے رہنماؤں کے وفد  نے ملاقات کی۔

وفد میں اسامہ غیاث میلہ، انصر اقبال ہرل اور میجر جنرل (ریٹائرڈ) سلیم میلہ شامل تھے۔

وزیر اعظم کے معاون خصوصی ملک محمد عامر ڈوگر اور ڈپٹی اسپیکر قومی اسمبلی قاسم خان سوری بھی ملاقات میں شریک تھے۔

ملاقات میں پارٹی کے امور، عوام کو درپیش مسائل کے حل اوت فلاحی و ترقیاتی امور کے حوالے سے گفتگو کی گئی۔

وزیر اعظم نے کہا کہ  دیہی علاقوں میں خوشحالی آ رہی ہے ۔  عنقریب کسانوں کے لیے پاکستان کی تاریخ کے سب سے بڑے زرعی پیکج کا اعلان کیا جائے گا ۔

عمران خان نے کہا کہ   آج پاکستان میں گنے، چاول، سٹرس کے کاشتکاروں کو فصلوں کا زیادہ منافع مل رہا ہے ۔

انہوں نے مزید کہا کہ موجودہ حکومت کسانوں کی خوشحالی اور زرعی شعبے کی ترقی کے  لیےپر عزم ہے۔