نیب افسران کی جدید خطوط پر تربیت کے لیے   اینٹی کرپشن اکیڈمی قائم کردی گئی۔

تفصیلات کے مطابق  چیئرمین نیب جسٹس ر یٹائرڈ جاوید اقبال کی زیر صدارت  نیب کا اہم اجلاس ہوا۔

 اجلاس میں نیب  کی پراسیکیوشن ڈویژن  سمیت مجموعی  کارکردگی کا جائزہ لیا گیا۔

اجلاس میں بریفنگ دی گئی کہ  نیب کی کارکردگی بہتر بنانے  کے لیے نیب ہیڈ کوارٹرز میں اسٹیٹ آف دی آرٹ اینٹی کرپشن اکیڈمی کا قیام عمل میں آ گیا ہے۔

اس موقع پر چیئرمین نیب کا کہنا تھا کہ  نیب افسران  کے لیے اینٹی کرپشن اکیڈمی سود مند ثابت ہوگی۔اس سے   نئے افسران کو اپنی صلاحیتوں میں بہتری لانے کا موقع ملے گا۔