کراچی کے علاقے نیو کراچی میں دو منٹ چورنگی کے قریب  بینک میں  ڈکیتی کا واقعہ پیش آیا ہے۔

بینک میں ڈکیتی کے بعد 4 مسلح  ملزمان فرار ہونے میں کامیاب ہوگئے ہیں۔

ڈکیتی کے واردات کے بعد  بینک کا عملہ لوٹی جانے والی رقم کا تخمینہ لگا رہا ہے۔

 اس ضمن پولیس حکام کا کہنا ہے کہ بینک ڈکیتی کی واردت بلال کالونی تھانے کی حدود میں قائم بینک میں ہوئی ہے تاہم واردت کی اطلاع ملنے کے بعد پولیس کی نفری بینک کی برانچ پر پہنچ گئی۔

پولیس کا کہنا ہے کہ ڈاکوؤں نے مزاحمت کر نے پر دو سیکیورٹی گارڈز کو رائفل کا بٹ مار کر زخمی کیا ہے جس میں شیر علی اور خیال محمد شامل ہیں۔

پولیس نے بتایا ہے کہ ڈکیتی کی واردات کے حوالے سے بینک کے سی سی ٹی وی کیمروں کا ریکارڈ چیک بھی کیا گیا ہے۔