آرمی چیف جنرل قمر جاوید باجوہ سے سابق ویسٹ انڈین کرکٹر ڈیرن سیمی  اور سابق جنوبی افریقی کرکٹر ہاشم آملہ نے ملاقات کی ہے۔

پاک فوج کے شعبہ تعلقات عامہ (آئی ایس پی آر) کے مطابق ملاقات میں  سابق پاکستانی کھلاڑی محمد اکرم  اور پشاور زلمی کے مالک جاوید آفریدی  بھی موجود تھے۔

آرمی چیف نے عالمی کرکٹ کی پاکستان واپسی میں کردار پر ان شخصیات کو سراہا اور کرکٹرز کو پی ایس ایل کی کامیابی پر مبارکباد  بھی پیش کی ۔

دوران ملاقات آرمی چیف نے پی ایس ایل کے جلد دوبارہ آغاز کی امید کا اظہار کیا۔

غیر ملکی کھلاڑیوں نے پاکستان میں قیام کے دوران حاصل تجربات شیئر کیے اور پاکستان کی خوبصورتی کی تعریف کی۔