سینیٹ الیکشن سے متعلق علی حیدر گیلانی کی منظر عام پر آنے والی ویڈیو کا معاملہ،  ویڈیو میں مبینہ طور پر موجود چاروں ارکان کی وزیر اعظم سے ملاقات ہوئی ہے۔

تفصیلات کے مطابق  علی حیدر گیلانی کی  سینیٹ الیکشن میں ہارس ٹریڈنگ کی کوشش کی ویڈیو میں مبینہ طور پر موجود چاروں کرداروں  کی  وزیر اعظم سے ملاقات کی اندرونی کہانی سامنے آگئی۔

ذرائع کا کہنا ہے کہ   چاروں ارکان نے وزیر اعظم سے قومی اسمبلی میں ان کے چیمبر میں کی۔ ملاقات مین ارکان قومی اسمبلی عطااللہ، اسلم خان، جمیل احمد، اور فہیم خان شامل تھے۔

ذرائع کا کہنا ہے کہ  وزیر اعظم نےچاروں  ارکان کی پارٹی کےلیے  خدمات کو سراہتے  ہوئے کہا کہ  آپ نے بد عنوان عناصر کو بے نقاب کیا۔ آپ کی یہ قربانی پارٹی ہمیشہ یاد رکھے گی۔

وزیر اعظم نے مزید کہا کہ ویڈیو دیکھنے کے بعد ہمارے بیانیے کو تقویت ملتی ہے کہ یہ کرپٹ لوگ ہیں۔ یہ لوگ ہر چیز کو پیسے  سے  تولتے ہیں۔

ذرائع کا کہنا ہے کہ وزیر اعظم کا دوران گفتگو کہنا تھا کہ سینیٹ کی نشست ہارنے کی بڑی وجہ بھی پیسے کا استعمال ہے۔