وزیر اعظم عمران خان کا کہنا ہے کہ تمام اتحادی ہمیں ہی ووٹ دیں گے۔

تفصیلات کے مطابق   وزیر اعظم  عمران خان کی جانب سے ارکان اسمبلی کے اعزاز میں ظہرانہ ختم ہوگیا۔

تمام ارکان  نے حکومتی امیدواروں کو ووٹ دینے کی یقین دہانی کرادی۔ حکومتی اتحادی ارکان نے بھی حفیظ شیخ اور فوزیہ ارشد کی حمایت کا اعلان کیا۔

وزیر اعظم نے کہا کہ تمام اتحادی ہمیں  ووٹ دیں گے، سینیٹ الیکشنز ہم  ہی جیتیں گے۔

عمران خان نے کہا کہ اتحادیوں کے تحفظات سے آگاہ ہوں، اتحادیوں کے مسائل حل کریں گے۔ ارکان اسمبلی کے ساتھ اب ریگولر رابطہ رکھوں گا۔

انہوں نے کہا کہ ایک طرف ہم ہیں ،دوسری طرف مافیا کھڑا ہے، غریب کے حالات بہتر کرنے کی کوشش کررہے ہیں۔ہم نظام میں تبدیلی لارہے ہیں۔ سینیٹ انتخابات جیت کر عوامی مفاد کی قانون سازی کریں گے۔

 وزیراعظم نے  تمام ارکان اسمبلی  کو کل بروقت اسمبلی پہنچنے کی ہدایت بھی کی۔