وزیراعظم عمران خان سے ازبکستان کے وزیر خارجہ کی ملاقات ہوئی ہے جس میں تجارت سمیت مختلف شعبوں میں تعاون بڑھانے پر اتفاق کیا گیا ہے۔

ملاقات میں دو طرفہ تعلقات اور خطے کی صورتحال پر گفتگو سمیت دو طرفہ تعاون بڑھانے سے متعلق امور پر بھی بات چیت کی گئی ہے۔

دوران ملاقات پاکستان اور ازبکستان کے درمیان تجارت سمیت مختلف شعبوں میں تعاون بڑھانے پر اتفاق بھی کیا گیا ہے۔

خیال رہے کہ جمہوریہ ازبکستان کے وزیر خارجہ عبدالعزیز کا میلوو کی وفد کے ہمراہ وزارتِ خارجہ تشریف لائے ہیں جہاں پر سیکرٹری خارجہ سہیل محمود نے ازبک وزیر خارجہ کا پرتپاک خیر مقدم کیا ہے۔

ازبک وزیر خارجہ عبدالعزیز کامیلوو نے وزارت خارجہ کے سبزہ زار میں یادگاری پودا لگایا جبکہ وزیر خارجہ شاہ محمود قریشی نے ازبکستان کے وزیر خارجہ کو وزارت خارجہ آمد پر خوش آمدید کہا ہے۔

ازبک وزیر خارجہ عبدالعزیز کامیلوو وزیر خارجہ مخدوم شاہ محمود قریشی سے خصوصی ملاقات کریں گے جس میں دوطرفہ امور کے تمام پہلووں کے علاوہ اہم علاقائی اور عالمی امور پر تبادلہ خیال کیا جائے گا۔

واضح رہے کہ ازبکستان کے وزیر خارجہ عبدالعزیز کامیلوو دو روزے دورے پر پاکستان تشریف لائے ہوئے ہیں۔

توقع ہے کہ ان اعلیٰ سطحی دوروں سے پاکستان اور ازبکستان کے مابین دو طرفہ تعلقات کے فروغ میں مدد ملے گی اور باہمی دلچسپی کے مختلف شعبہ جات میں دو طرفہ تعاون میں اضافہ ہو گا۔