وزیرِ اعظم عمران خان کی تحریک انصاف کی اتحادی جماعتوں کے رہنماؤں سے ملاقات ہوئی جس میں موجودہ ملکی سیاسی صورتحال اور اتحادی امور پر تبادلہ خیال کیا گیا۔

اس موقع پر حکومتی اتحادی جماعتوں کی جانب سے وزیرِ اعظم عمران خان کی قیادت پر بھرپور اعتماد کا  اظہار کیا گیا۔

  ملاقات کے  دوران ایوان بالا میں  چئیرمین اور ڈپٹی چئیرمین کے حوالے سے وزیرِاعظم کے فیصلے کی بھرپور حمایت کا اعادہ کیا گیا جبکہ ملک کی بہتری کے لئے وزیرِ اعظم عمران خان  کے وژن کو عملی جامہ پہنانے کے لئے بھی   مکمل حمایت کا عزم کیا گیا۔

ملاقات میں زبیدہ جلال، خالد مقبول صدیقی، طارق بشیر چیمہ ، پرویز خٹک ، شفقت محمود، شبلی فراز اور اسد عمر نے بھی شرکت کی۔