پاکستان تحریک انصاف کے رہنما فیصل جاوید خان نے کہا ہے کہ جب عوامی مفادات سے ہٹ کر اپنے متعلق سوچا جائے تو یہی حال ہوتا ہے جو آج پی ڈی ایم کا ہوا ہے۔

تفصیلات کے مطابق پاکستان تحریک انصاف کے رہنما فیصل جاوید خان نے سماجی رابطے کی ویب سائٹ پر اپنے ایک پیغام میں پی ڈی ایم کو الوداع کہتے ہوئے کہا ہے کہ مسلم لیگ ن کی حالت قابلِ ترس ہے۔

وزیراعظم عمران خان سے این آر او کے حصول کے لیے انہوں نے انتھک محنت کی جو ساری بےکار گئی – لوگ کبھی بھی کسی کی کرپشن بچانے کے لیے باہر نہیں نکلتے لوگ کرپشن کے خلاف باہر نکلتے ہیں – الوداع پی ڈی ایم اے الوداع –
مسلم لیگ نون – انا للہ وانا الیہ راجعون
نون کی حالت قابلِ ترس ہے

— Faisal Javed Khan (@FaisalJavedKhan) March 26, 2021

اپنے پیغام میں فیصل جاوید کا کہنا تھا کہ وزیراعظم عمران خان سے این آر او کے حصول کے لیے انہوں نے جو انتھک محنت کی تھی وہ ساری بیکار گئی۔

انہوں نے کہا ہے کہ پی ڈی ایم اسی دن ختم ہوچکی تھی کہ جب عوام نے اسے مسترد کر دیا تھا کیونکہ ہمیشہ ان کے جلسے ناکام ہوئے، ان کا ماضی بھی ناکام تھا حال یہ ہوگیا ہے اور مستقبل عوام کے سامنے ہے۔