بلوچستان میں کرپشن  کا ایک اور کیس سامنے آگیا۔

ترجمان نیب بلوچستان کے مطابق نیب نے محکمہ کوسٹل ڈویلپمنٹ اینڈ فشریز میں تقریباً ایک ارب روپے کرپشن کیس کی تحقیقات مکمل کر لی ہے اور19 ملزمان کے خلاف ریفرنس احتساب عدالت میں دائر کردیا۔

ترجمان نیب بلوچستان کا کہنا ہے کہ ملزمان نے جعلی بینک سرٹیفیکیٹ، جعلی جوائنٹ وینچر ایگریمنٹ، جعلی انشورنس گارنٹی اور جعلی تجربے پر سرکاری ٹھیکے دیے۔

 تر جمان کے مطابق کرپشن کیس میں سابق سیکرٹری محکمہ کوسٹل ڈویلپمنٹ اینڈ فشریز، ڈی جی فشریز اورمحکمہ کوسٹل ڈویلپمنٹ اینڈ فشریز کے افسران نامزد ہیں۔

نیب کے ترجمان کا کہناہے کہ ملزمان نے گرین فائبر گلاس بوٹس، ویسل مانیٹرنگ سسٹم، سی ایمبولینس سمیت دیگر چیزوں کی خریداری کے ٹھیکے غیر رجسٹرڈ کمیٹی کو دیے جبکہ متعلقہ مشینری اور اشیاء کی وصولی کے بغیر کمپنی کوبھاری ادائیگیاں بھی کیں۔

ترجمان نیب بلوچستان کے مطابق مرکزی ملزم سےتفتیش کےبعدسابق سیکرٹری محکمہ کوسٹل ڈویلپمنٹ اینڈ فشریزاورڈی جی فشریزکوگرفتارکیا ہے اورچیئرمین نیب کی منظوری کے بعد ملزمان کے خلاف کیس عدالت میں دائر کردیاہے۔