وزیراعظم عمران خان آج ڈپٹی چیئرمین کے امیدوار کے حوالے سے اتحادیوں سے مشاورت کریں گے۔

تفصیلات کے مطابق چیئرمین اور ڈپٹی چیئرمین سینیٹ کے انتخابات میں ایک دن باقی ہے جس میں وزیراعظم عمران خان آج ڈپٹی چیئرمین سے متعلق اتحادیوں سے مشاورت کریں گے۔

وزیراعظم عمران خان اتحادیوں کو ڈپٹی چیئرمین کی نامزدگی پر اعتماد میں لیں گے۔

ذرائع کے مطابق ڈپٹی چیئرمین سینیٹ کے لئے تحریک انصاف سے امیدوار سامنے آنے کا امکان ظاہر کیا جارہا ہے۔

حکومت کے الیکشن کے لئے نامزد کردہ چیئرمین سینیٹ اتحادی جماعت سے ہیں۔

یاد رہے کہ گزشتہ رات وزراء پر مشتمل سینئر پارٹی قیادت نے بھی باہمی مشاورت مکمل کرلی اور آج وزیراعظم عمران خان کے سامنے مختلف تجاویز کی رپورٹ پیش کی جائے گی۔

 علاوہ ازیں چیئرمین سینیٹ کے الیکشن کے  لئے ٹھوس حکمت عملی ترتیب دی جائے گی۔