مسائل کے حل کے لئے تمام سیاسی نمائندوں کو ذمہ داری کا مظاہرہ کرنا ہو گا، ڈاکٹر عارف علوی
صدر مملکت ڈاکٹر عارف علوی نے کہا ہے کہ عوام کے مسائل کے حل کے لئے تمام سیاسی نمائندوں کو ذمہ داری کا مظاہرہ کرنا ہو گا۔
تفصیلات کے مطابق صدر مملکت ڈاکٹر عارف علوی سے گورنر سندھ عمران اسماعیل نے گورنر ہاؤس کراچی میں ملاقات کی ہے۔
دوران ملاقات صوبے کے لئے وفاقی حکومت کی جانب سے شروع کیے گئے ترقیاتی منصوبوں پر تبادلہ خیال کیا گیا ہے۔
ملاقات میں امن و امان، عوامی فلاح و بہبود کے اقدامات اور باہمی دلچسپی کے دیگر امور سمیت صوبے کی مجموعی صورتحال پر تبادلہ خیال ہوا ہے۔
صدر مملکت کا کہنا تھا کہ وفاقی حکومت عوام کے مسائل کے خاتمہ کے لئے ہر ممکن اقدامات کر رہی ہے اور عوامی فلاح و بہبود کے لئے شروع کیے گئے کئی منصوبے اس بات کا ثبوت ہیں۔
اس موقع پر گورنر سندھ نے کہا کہ صوبے کے عوام کی ترقی اور خوشحالی وزیراعظم کی ترجیحات میں شامل ہے اور صوبے کے مسائل کا حل باہمی گفت وشنید اور افہام و تفہیم سے ممکن بنایا جا رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News