عوامی نیشنل پارٹی (اے این پی) نے اپوزیشن اتحاد پاکستان ڈیموکریٹک موومنٹ (پی ڈی ایم) سے راہیں جدا کرنے کا فیصلہ کرلیا ہے۔ 

تفصیلات کے مطابق پاکستان ڈیمو کریٹک موومنٹ (پی ڈی ایم) کی طرف سے پیپلز پارٹی اور عوامی نیشنل پارٹی کو شو کاز نوٹس جاری کرنے کے بعد اے این پی نے سخت رد عمل دیتے ہوئے اپوزیشن اتحاد سے راہیں جدا کرنے کا فیصلہ کیا ہے۔

ذرائع کے مطابق پی ڈی ایم میں شامل اے این پی کا یہ فیصلہ ایسے وقت میں سامنے آیا ہے جب اسے اپوزیشن اتحاد کی جانب سے شوکاز نوٹس بھیجا گیا۔

واضح رہےکہ اس حوالے سے عوامی نیشنل پارٹی کی قیادت کی مشاورت بھی مکمل ہوگئی ہے۔

دوسری جانب پیپلز پارٹی نے بھی شوکاز نوٹس کا جواب جارحانہ انداز میں دینے کا فیصلہ کیا ہے۔

 پیپلز پارٹی شوکاز نوٹس کے الزامات پر جلد پریس کانفرنس بھی کرے گی۔