سی اے اے کی جانب سے رمضان المبارک کے دوران ڈومیسٹک پروازوں میں سفر کرنے والے مسافروں سے متعلق بڑا فیصلہ کرلیا گیا ہے۔

سول ایوی ایشن اتھارٹی نے روزے دار مسافروں کو افطار کے لئے کھانے کی اجازت دے دی ہے، اس ضمن میں سی اے اے نے احکامات جاری کردیئے ہیں۔

جاری احکامات کے مطابق ایئرلائنز رمضان المبارک کے دوران مسافروں کے روزہ افطار کے لئے افطار باکس چیک ان کاؤنٹر پر رکھیں گی۔

رمضان المبارک سے قبل ایئرلائنز کو سی اے اے سے پیشگی اجازت حاصل کرنے کی بھی ہدایات کی گئی ہیں۔

یاد رہے کہ کورونا وائرس وباء کے باعث این سی او سی نے ڈومیسٹک پروازوں پر کھانے کی سہولیات پر پابندی عائد کی ہوئی ہے۔