وزیرِ اعظم عمران خان نے جنگلات کے تحفظ اور اس حوالے سے ریکارڈ کو ڈیجیٹل کرنے کی اہمیت پر خصوصی طور پر زور دیتے ہوئے کہا ہے کہ ماحولیاتی تبدیلی کے اثرات سے نمٹنے کے لئے جنگلات کا تحفظ ضروری ہے۔

تفصیلات کے مطابق وزیر اعظم عمران خان کی زیر صدارت قومی رابطہ کمیٹی برائے ہاؤسنگ، کنسٹرکشن و ڈویلپمنٹ کا اجلاس ہوا ہے۔

دوران اجلاس وزیراعظم نے کہا ہے کہ کیڈاسٹری ریکارڈ کے ڈیجیٹلائز ہونے سے جنگلات کا تحفظ ممکن ہوگا۔

وزیرِ اعظم نے کم لاگت والے گھروں کے حوالے سے یکساں معیار پر مبنی کوڈ مرتب کرنے پر پاکستان انجینرنگ کونسل و ودیگر کی کاوشوں کو سراہا ہے۔

وزیراعظم نے اس حوالے سے کہا ہے کہ تعمیراتی منصوبوں کے حوالے سے منظوریوں کا مقررہ مدت میں مکمل کیے جانے کو یقینی بنایا جائے۔