وزیراعظم عمران خان اپنے دورہ سکھر کے بعد کراچی پہنچے ہیں۔

کراچی میں وزیراعظم عمران خان شوکت خانم میموریل اسپتال کی فنڈ ریزنگ افطار ڈنر میں شرکت کریں گے۔

خیال رہے کہ اس سے قبل وزیراعظم عمران خان نے احساس ایمرجنسی کیش پروگرام کے تحت مستحقین میں نقد رقوم تقسیم کیں۔

ڈاکٹر ثانیہ نشتر نے وزیراعظم کو احساس ایمرجنسی کیش پروگرام کے بارے میں بریفنگ دی۔

انہوں نے بتایا کہ ہرضلع میں احساس ایمرجنسی کیش پروگرام کے لئے سروے جاری ہے، 30 اپریل تک یہ عمل مکمل کر لیا جائے گا۔

انہوں نے بتایا کہ تمام علاقوں میں میرٹ پر مستحق افراد کی رجسٹریشن کی جا رہی ہے ۔

 اس موقع پر گورنر سندھ عمرا ن اسماعیل ، وفاقی وزیر ڈاکٹر فہمیدہ مرزا، معاون خصوصی سینیٹر ڈاکٹر ثانیہ نشت بھی موجود تھے۔