وزیراعظم عمران خان کی زیر صدارت وفاقی کابینہ کا اجلاس آج طلب کرلیا گیا ہے۔

وفاقی کابینہ کے بلائے گئے اجلاس کا 13 نکاتی ایجنڈا بھی جاری کردیا گیا ہے۔

جاری کردہ 13 نکاتی ایجنڈے کے مطابق کابینہ کرتارپور راہداری منصوبے کو پیپرا رولز سے استثنیٰ دینے کی منظوری دے گی۔

دوران اجلاس کابینہ کی جانب سے اشیائے خوردونوش کی طلب و رسد کے ریکارڈ کے لئے ڈیٹا بیس قیام کی منظوری دے جائیگی۔

یواین آرمرڈ گاڑیوں کو کراچی سے کابل لے جانے کی اجازت کی سمری ایجنڈے میں شامل ہے اور اسکے علاوہ اسٹرٹیجک ایکسپورٹ کنٹرول ڈویژن کے اختیارات منتقل کرنے کی سمری پر غورکیا جائیگا۔

اجلاس کے دوران معاون خصوصی توانائی گردشی قرضے کے خاتمے کا پلان پیش کریں گے اور کابینہ اقتصادی رابطہ کمیٹی کے 7 اپریل کے اجلاس کے فیصلوں کی توثیق کرے گی۔

فیڈرل میڈیکل ٹیچنگ آرڈیننس کے تحت بورڈ آف گورنرز، نیشنل انشورنس کمپنی کے چیف ایگزیکٹو اور جوائنٹ انویسٹمنٹ کمپنیز کے بورڈ آف ڈائریکٹرز کی تعیناتی کی منظوری دی جائے گی۔

نوشہرہ میں ریلوے کی زمین پر کثیرالمنزلہ عمارت کی تعمیر کا معاملہ بھی ایجنڈا میں شامل کیا گیا ہے۔