سول ایوی ایشن اتھارٹی ( سی اے اے)  نے سفارتکاروں اور ان کے اہل خانہ کی پاکستان آمد کے لئے نیا سفر ی ہدایات نامہ جاری کر دیا ہے۔

ترجمان سی اے اے سعد بن ایوب نے کہا ہے کہ سفارتکاروں اور ان کے اہل خانہ کی پاکستان آمد سے 72 گھنٹے قبل کی منفی کورونا ٹیسٹ رپورٹ لازمی قرار دے دی گئی ہے۔

انہوں نے کہا کہ کورونا ایس او پیز کے تحت پاکستان پہنچنے پر سفارتی عملے و اہل خانہ کا ریپیڈ انٹیجن ٹیسٹ (آر اے ٹی )بھی لازمی کرانا ہو گا ، آر اے ٹی مثبت ہونے کی صورت میں متعلقہ سفارتکارکو اپنی رہائش گاہ پرلازمی قرنطینہ کرنا ہو گا۔

اس ضمن میں سول ایوی ایشن اتھارٹی کی جانب سے متعلقہ حکام اور اداروں کو مراسلہ ارسال کر دیا گیا ہے۔