وزیراعظم عمران خان نے کہا ہے کہ حکومت کی جانب سے سرمایہ کاروں کوسہولیات فراہم کرنے کی کوشش کی جارہی ہے کیونکہ سرمایہ کاروں کیلئے آسانیاں پیدا کرنا حکومت کا کام ہے۔

تفصیلات کے مطابق رشکئی ترجیحی خصوصی اکنامک زون کے کمرشل لانچ کی تقریب سے خطاب کرتے ہوئے وزیراعظم عمران خان نے کہا ہے کہ پاکستان کامستقبل انڈسٹریالائزیشن میں ہے کیونکہ اس کےبغیرملکی دولت میں اضافہ نہیں ہوسکتا ہے۔

وزیراعظم عمران خان نے کہا ہے کہ رشکئی منصوبہ پاک چین راہداری کااہم حصہ ہے جس  میں ایکسپورٹ کیلئےانڈسٹریزلگائی جائیں گی۔

عمران خان نے بتایا ہے کہ اوورسیزپاکستانیوں نےترسیلات زرمیں ریکارڈاضافہ کیا جبکہ ملک کی4فیصدگروتھ ریٹ سےمخالفین حیران ہیں۔

وزیراعظم کا کہنا تھا کہ کوروناکےدوران لاک ڈاؤن نہ لگانےکا فیصلہ کیا تھا کیونکہ اس سے غریب طبقہ متاثر ہوجاتا ہے۔