اپوزیشن لیڈر سندھ اسمبلی حلیم عادل شیخ نے کہا ہے کہ پیسوں کی چوری سے لے کر تعلیم، صحت سمیت ہر قسم کی چوری سندھ میں کی جارہی ہے۔

تفصیلات کے مطابق اپوزیشن لیڈر سندھ حلیم عادل شیخ نے ارسا میں پریس کانفرنس کرتے ہوئے بتایا ہے کہ سندھ میں پانی کی صرف چوری نہیں کی جارہی ہے بلکہ ڈاکہ ڈالا جارہا ہے۔

حلیم عادل شیخ نے اس بات کو واضح کیا ہے کہ بارشوں کی وجہ سے پانی کم ہوا ہے  لیکن حکومت کی جانب سے سندھ کو پورا دیا گیا ہے۔

انہوں نے پانی کے مسئلے پر بات کرتے ہوئے بتایا ہے کہ اس سال بارش کم ہونے کی صورت میں پانی کم تھا جس کا اثر صوبہ پنجاب پر بھی پڑا ہے ۔

حلیم عادل شیخ نے کہا ہے کہ سندھ کو جس چیز کی ضرورت ہوگی وہ وفاق کی جانب سے فراہم کی جائیگی ۔

انہوں نے کہا ہے کہ سندھ کے پانی کا مسئلہ ہو یا کسی بھی قسم کا مسئلہ ہو وفاقی حکومت ہمیشہ سندھ کے ساتھ کھڑی ہے۔