اپوزیشن لیڈر حلیم عادل شیخ نے کہا ہے کہ سندھ حکومت کی لوٹ مار کو بے نقاب کرنے پر دہشتگرد بنا دیا گیا ہے اور اب ناکردہ دہشتگری کے لئے عدالتوں کے چکر لگارہے ہیں۔

تفصیلات کے مطابق اپوزیشن لیڈر حلیم عادل شیخ نے میڈیا سے گفتگو کرتے ہوئے کہا ہے کہ سندھ میں اس وقت ڈاکو راج ہے اور سندھ پولیس جرائم کے خلاف ایکشن کے لئے تیار نہیں ہے۔

حلیم عادل شیخ نے کہا ہےکہ سندھ پولیس کو غیرت صرف تحریک انصاف کے لئے آتی ہے جبکہ پیپلز پارٹی کے عہدیداران نے پولیس افسران کو گریبان سے پکڑ رکھا ہے۔

ان کا کہنا تھا کہ تحریک انصاف کی واحد حکومت ہے جس میں تحقیقات کی جارہی ہیں جبکہ سندھ میں ہر دوسرے دن کوئی نا کوئی اسکینڈل سامنے آرہے ہیں لیکن کبھی کسی اسکینڈل کی تحقیقات نہیں کی گئی ہے۔