ملک میں بجلی کا شارٹ فال 4 ہزار250 میگاواٹ ہوگیا ہے، شارٹ فال کے باعث شہروں اور دیہات میں گھنٹوں طویل لوڈشیڈنگ کی جارہی ہے۔

ذرائع کے مطابق ملک میں بجلی کی پیداوار 21 ہزار 250 میگاواٹ جبکہ مجموعی طلب 25 ہزار میگاواٹ سے زائد ہے اور پن بجلی سے 4 ہزار میگاواٹ بجلی پیدا کی جارہی ہے۔

ذرائع کے مطابق تھرمل پاؤر پلانٹس 3 ہزار 640 میگاواٹ اور آئی پی پیز 13 ہزار 600 میگاواٹ بجلی پیدا کررہے ہیں۔

ذرائع کے مطابق بجلی کمپنیوں کی جانب سے کوٹے سے کم بجلی لینے کا انکشاف ہوا ہے بجلی کمپنیاں اپنی ضرورت سے کم بجلی لے رہی ہیں۔

ذرائع کے مطابق ترسیلی نظام میں ہیچیدگیوں کے باعث کمپنیاں پوری بجلی نہیں لےرہی ہیں، شارٹ فال کے باعث مختلف شہروں اور دیہات میں گھنٹوں طویل لوڈشیڈنگ کی جارہی ہے۔

اس ضمن میں وزیر توانائی حماد اظہر نے اپنے ٹوئٹ میں کہا ہے کہ گزشتہ بارہ گھنٹوں میں کہیں بھی غیر اعلانیہ لوڈشیڈنگ نہیں کی گئی ہے۔

Position since last 12 hours below with zero forced load shedding. Approx 1500 MW power added in last 48 hours. More power to be added today.

Revenue based load-shedding in high theft areas and any infrastructure/transmission breakdown in localities may still arise. pic.twitter.com/0Un4nfXolz

— Hammad Azhar (@Hammad_Azhar) June 11, 2021

انہوں نے کہا ہے کہ اڑتالیس گھنٹوں میں 1500 میگاواٹ بجلی سسٹم میں شامل کی گئی ہے مزید بجلی آج سسٹم میں شامل کی جائے گی بجلی کمپنیاں زیادہ نقصانات والے علاقوں میں لوڈشیڈنگ کررہی ہیں۔