پی ٹی آئی کراچی کے صدر خرم شیر زمان نے کہا ہے کہ عوام کو سہولیات میسر کرنا حکومت اور اداروں کی ذمہ داری ہے۔

تفصیلات کے مطابق خرم شیر زمان نے کمشنر کراچی نوید شیخ کو خط لکھا جس میں کہا گیا کہ کلب روڈ اور زیب النساء روڈ کے بند ہونے سے شہریوں کو مشکلات کا سامنا ہے جس کی وجہ سے کراچی کی 2 اہم شاہراہوں کو شہریوں کیلئے ون وے کردیا گیا ہے۔

خرم شیر زمان نے خط میں یہ بھی لکھا کہ کمشنر کراچی عوام کی سہولت کیلئے 3 روز میں سڑک کو ٹریفک کیلئے بحال کریں، سڑکوں کے بند ہونے سے عوام کے قیمتی وقت کا ضیاء ہوتا ہے۔

پی ٹی آئی کراچی کے صدر خرم شیر زمان نے مزید کہا کہ کراچی میں ٹریفک کا نظام درہم برہم اور تباہ حال ہے، ٹریفک کے نظام میں آسانی کے بجائے حکومت مشکلات میں اضافہ کررہی ہے، 3 روز میں سڑک بحال نہیں کی گئی تو معاملے پر عدالت سے رجوع کریں گے۔