مرکزی رویت ہلال کمیٹی کے چیئرمین مولانا عبدالخبیر آزاد نے کہا کہ ملک دشمن عناصر کے ناپاک عزائم کو مل کر ناکام بنانا ہے۔

تفصیلات کے مطابق چیئرمین مولانا عبدالخبیر آزاد نے کوئٹہ میں قومی یکجہتی امن کانفرنس کرتے ہوئے کہا کہ یہ چھٹی قومی یکجہتی امن کانفرنس یہاں منعقد ہورہی ہے، کانفرنس کا مقصد سب کو یکجا کرنا ہے۔

مولانا عبدالخبیر آزاد نے کہا کہ پولیس اہلکاروں کو ٹارگٹ کرنے کی جتنی مذمت کی جائے کم ہے، مودی کے ایجنڈے کو ناکام بنائیں گے۔

ان کا کہنا تھا کہ لاکھوں انسانوں کی قربانیوں کے بعد پاکستان وجود میں آیا ہے، دنیا کو پیغام دینا ہے کہ پاکستان کے پرچم تلے ہم ایک ہیں۔

انہوں نے کہا کہ بلوچستان کے لوگ غیور اور محبِ وطن ہیں، ہمیں پورے ملک میں اتحاد کا عظیم مظاہرہ کرنا ہے۔

چیئرمین عبدالخبیر نے کہا کہ پولیس اہلکاروں کو ٹارگٹ کرنے کی جتنی مذمت کی جائے کم ہے مودی کے ایجنڈے کو ناکام بنائیں گے۔

مرکزی رویتِ ہلال کمیٹی کے چیئرمین مولانا عبدالخبیر آزاد نے مزید کہا کہ مومن مومن کا بھائی ہے، آئیے ملکر پاکستان کو لیکر آگے چلیں۔